Promozio baldintzak

DSS MARKET PLAZA PLATAFORMAREKIN BAT EGIN DUTEN DONOSTIAKO SALTOKI TXIKIETAN EROSTEA BULTZATZEKO ETA SUSTATZEKO "LEHEN ETA BIGARREN EROSKETA" SUSTAPENEKO BALDINTZA ARAUTZAILEAK

Sarrera

Donostia bezalako hiri baten identitate ikur nagusienetako bat da tokiko komertzioa.

Mila biztanleko establezimendu kopurua % 14,2 ingurukoa da. Hirian 2.756 txikizkako saltoki daude eta 13.661 enplegu inguru sortzen ditu.

Tokiko testuinguru hau joera global batzuek baldintzatzen dute eta honako baieztapen hauek berresten dituzte:

  • Lurralde guztietan, azken hamarkadan, txikizkako establezimendu komertzialek etengabe behera egin dute, baita Donostian ere.
  • Online erosketen hazkundearen eta kontsumitzeko ohitura aldaketen ondorioz, 700 establezimendu inguru galdu dira gure hirian 2008tik.
  • Txikizkako merkataritzaren jarduera baldintzatuta dute duela urte batzuetatik transformazioa dakarten joerek: globalizazioa, digitalizazioa, omnikanalitatea terminoek tandema osatu behar dute kontsumitzeko ohitura berriekin eta bezeroaren pertsonalizazioarekin eta esperientziarekin.

Bilakaera horri COVID-19ak sektore hauetan izan duen eragina erantsi behar zaio, zeren establezimendu horiek digitalki transformatzeko prozesuak azkartu ditu.

Datuek eta paradigma aldaketak abalatuta, Donostia Sustapena, S.Ak (aurrerantzean Donostiako Sustapena edo Sustapena ere deituko diogu)  uste du kritikoa eta, aldi berean, aukera bat dela, enpresei, oro har, eta, bereziki, saltokiei laguntzea egokitzeko, prestatzeko eta transformatzeko prozesuan. Izan ere, horrek lagunduko die indartzen, besteak beste, gaitasunei, negozio eta lan ereduei, kontsumitzeko ohitura berrietara egokitzeari dagokionez eta merkatutako aukera berriei dagokienez.

Horregatik, sustapen ekonomikorako zinegotzigoak, Donostia Sustapenaren bidez, DSS Market Plaza plataforma, DSSMP plataforma eskaintzen du. Doako gune birtual bat da plataforma hau Donostiako merkataritza establezimendu guztiei agerikotasuna, sustapena, salmenta, posizionamendua eta transformazio digitalerako prestakuntza eskaintzen diena.

Merkataritza elektronikoko plataforma honen bidez, Donostia Sustapenak protagonismoa eman nahi die tokiko merkataritza establezimenduei, agerikotasun handiagoa emateko eta beraien transformazio digitalean laguntzeko, baita sektore honetan enpresa eta enplegu berriak agertzeko ere.

1. Programaren xedea

DSS Market Plaza plataformak, e-commerce salmenta gune baten bidez, ezagutarazteko gune bat eskaintzen die saltokiei. Hala, gune honek sektorearen salmentak sustatu nahi ditu erakusleiho eta merkatu birtual batean.

"Lehen eta bigarren erosketa sustapena" programaren helburua da, DSS Market Plaza plataformaren bidez, Donostiako txikizkako merkataritza enpresa txikietan erostera bultzatzea.

Sustapen hau www.dssmarketplaza.eus plataformarena da esklusiboki, eta erabiltzaile erregistratuek egindako 30 eurotik gorako (BEZa barne) lehenengo 2.000 erosketei aplikatuko zaie.

2. Baliabide ekonomikoak

Donostia Sustapenak 22.000 euro bideratuko ditu sustapen horretara, hau da, 2.000 salmenta egingo ditu guztira, eta horien zenbatekoa 30 €-tik gorakoa izango da (BEZa barne).

Nolanahi ere, Donostia Sustapenak beretzat gordetzen du aurreko paragrafoan aipatzen den zenbatekoa aldatzeko eskubidea.

3. Establezimenduek programarekin bat egiteko baldintzak

"Lehen erosketa eta bigarren erosketa" sustapenean parte hartzeko, establezimenduek baldintza hauek bete beharko dituzte:

  • Enpresa DSS Market Plaza plataformarekin bat eginda egotea sustapena indarrean dagoen bitartean.
  • DSS Market Plaza plataformari atxikitzearen ondoriozko betebehar eta baldintza guztiak betetzea.

4. "Lehen eta bigarren erosketa" programaren eragiketak kontsumitzailearentzat

Sustapen hau Donostiako tokiko enpresa txikiak lagundu eta horietan erosi nahi duten erabiltzaileei zuzenduta dago.

DSS Market Plaza plataformaren bidez 2022an egindako 2.000 erosketa eragiketetarako hobaria emango du gehienez.

Plataformaren bidez egindako lehen erosketaren zenbatekoa 30 €-tik gorakoa bada (BEZa barne), 10 €-ko zuzeneko hobaria lortuko da, eta plataformak automatikoki aplikatuko dio erosketa ordainketa egin aurretik.

Plataformaren bidez egindako bigarren erosketaren zenbatekoa 30 €-tik gorakoa bada (BEZa barne), 12 €-ko zuzeneko hobaria lortuko da, eta plataformak automatikoki aplikatuko dio erosketa-saskiari ordainketa egin aurretik.

Hauek dira “lehen eta bigarren erosketen” sustapenaz baliatu ahal izateko bete beharreko baldintzak:

  • 18 urtetik gorakoa izatea.
  • Erabiltzaile gisa erregistratuta egotea plataforman. Erabiltzaile gisa erregistratu ahal izango da erosketaren unean bertan.
  • Aldez aurretik sustapen honen onuradun ez izatea. Erabiltzaile bakoitzak behin bakarrik jaso ahal izango du sustapen hori.
  • Eskaeraren balioa 30 eurokoa edo handiagoa izan beharko da (BEZa barne). Sustapenak ez du inola ere estaliko eskaeraren balio osoa; beraz, gainerako zenbatekoa plataformak onartutako edozein metodo erabiliz ordaindu behar da.
  • "Lehen eta bigarren erosketa" sustapenaren baldintzak onartzea

Erosleak uko egiteko bere eskubidea erabili ahal izango du hamalau egun naturaleko epean bere eskaera entregatu eta hurrengo egunetik kontatzen hasita eta online egin beharko du, eskaeren eremuaren bidez. Ordaindutako zenbatekoa eskaera ordaintzeko erabilitako bide berdina erabiliz itzuliko da.

"Lehen eta bigarren erosketa" sustapena aplikatu zaion erosketa bat partzialki edo osorik itzultzen bada, eta eskaera, guztira, 30 eurotik beherakoa (BEZa barne) bada, sustapena ezeztatuko da eta Donostia Sustapenak kobrantza erregularizatuko du, bigarren kobrantza bat eginez hala beharko balitz. Gainera, etorkizunean "lehen eta bigarren erosketa" sustapenaren onuradun izateko aukera galduko du.

Produktu aldaketa bat egiten bada, itzultze baten eta beste erosketa baten bidez formalizatu beharko da, eta ezingo da aplikatu "lehen eta bigarren erosketa" sustapena. 

5. "Lehen eta bigarren erosketa" sustapena programaren eragiketak plataformarekin bat egin duten establezimenduentzat

Plataformarekin bat egin duten establezimenduetan, DSS Market Plazaren bidez, egindako edozein salmentari aplikatuko zaio sustapena, baldin eta establezimendu horiek une horretan produktuak salmentan badituzte beraien online erakusleihoan: www.dssmarketplaza.eus. 

Donostia Sustapenak saldutako eta entregatutako produktuaren salmenta prezio osoa ordainduko dio establezimenduari, betiere ez bada itzultzen hurrengo 14 egunean.

Sustapenarekin bat egin duen enpresa konprometitzen da unean-unean Sustapena informatzera, bat-batean etorritako egoeragatik, bere jarduera itxi behar badu edo enpresa behin betiko itxi behar badu edo plataforman baja ematea erabakitzen badu.

6. Bat egiteko eskaera epeak eta sustapenaren iraupena

Sustapen honekin nahitaez bat egin beharko dute DSS Market Plaza plataformarekin bat egin duten enpresa guztiek, eta Donostia Sustapenak automatikoki egingo du hori. Ez da bat-egite eskaerarik egin beharko.

Sustapen hau 2022ko otsailaren 23an, DSS Market Plaza plataforma inauguratuko den egunean, jarriko da martxan eta sustapen honetara bideratutako baliabideak amaitzean (2. atala) edo 2022ko abenduaren 31n amaituko da.

7. Informazio gehigarria eta gorabeherak

Donostia Sustapenak enpresaren eta kontsumitzailearen esku jartzen ditu helbide elektroniko hau: info@dssmarketplaza.eus, erreferentzia: "lehen eta bigarren erosketaren sustapena", eta telefono zenbaki hau: 943 48 28 00. Horien bidez sor daitekeen edozein zalantza, arazo edo gorabehera ebatziko da.

8. Datu pertsonalen babesa

Datuen babeserako indarrean dagoen araudian ezarritakoaren arabera, jakinarazten dizugu adierazitako datuen tratamendua Donostiako Udalak egingo duela, tratamenduaren arduraduna izango baita, eta Donostia Sustapenak kudeatuko dituela tratamenduaren arduraduna baita.

Tratamenduaren helburua da Donostiako erosketako bonuen programako parte-hartzea tramitatzea eta kudeatzea.

Tratamenduaren zilegitasun oinarria DBEEOren 6.1.b) artikulua da, tratamendua beharrezkoa da interesduna alderdia (oinarri arautzaileak onartzea) den kontratu bat gauzatzeko, DBEEOren 6.1.e) artikulua: tratamendua beharrezkoa da interes publikoaren izenean edo tratamenduaren arduradunari emandako botere publikoen izenean egindako eginkizun bat betetzeko: 7/1985 Legea, apirilaren 2koa, Tokiko Araubidearen Oinarriei buruzkoa eta2/2016 Legea, apirilaren 7koa, Euskadiko Tokiko Erakundeei buruzkoa eta 38/2003 Lege Orokorra, azaroaren 17koa, Dirulaguntzei buruzkoa.

Oinarri hauetan edo dagokion eskaera orrietan horrela adierazten denean, datu pertsonalei buruz eskatutako informazioa entregatu beharko da eta horiek ez badira ematen edo datu okerrak ematen badira, eskaera ezingo da kudeatu.

Ez dago xedatuta hirugarrenentzako datuen jakinarazpen gehigarririk, legezko betebeharra denean izan ezik, eta ez dago xedatuta datuen nazioarteko transferentziarik.

Tratamendu honen xede diren datu pertsonalak behar den denboran gordeko dira, bildu ziren helburua betetzeko eta helburu horretatik eta datuen tratamendutik erator daitezkeen erantzukizunak zehazteko. Artxiboen eta dokumentazioaren araudian ezarritakoa aplikatuko da.

Ukitutako pertsonek datuak eskuratzeko, zuzentzeko, ezabatzeko eta datuak babesteko indarrean dagoen araudian jasotako beste eskubide batzuk baliatu ahal izango dituzte, hala dagokionean, Donostiako Udalaren Udalinfo Zerbitzuan (Ijentea kalea 1, 20003 Donostia).

Zure eskubideak baliatzean ez badizute behar bezala erantzun, Datuak Babesteko Euskal Bulegoan erreklamazioa aurkeztu ahal izango duzu. Helbidea: Tomas Zumarraga Dohatsuaren kalea, 71 – 3. solairua- 01008 Vitoria-Gasteiz. Hala ere, aldez aurretik eta aukeran, Donostiako Datuak Babesteko ordezkariarekin harremanetan jar zaitezke: dbo@donostia.eus.

9. Aplikatu beharreko legegintza

Baldintza orokor hauek Donostia Sustapenaren eta erabiltzaileen eta establezimenduen (enpresa txikiak eta autonomoak) arteko harremanari aplikatuko zaizkie, eta bere horretan aplikatuko dira. Horietan xedatu ez den guztian, Espainiako legegintza aplikatu beharko da.

 

Donostian, 2022eko otsailaren 22an.

Euken Sesé Sarasti

Fomento de San Sebastián, SAren gerentea