Zure buruari zer da SEO? Galdetzen ari bazara, Ingelesezko "search Engine Optimization" sigletatik dator izena, eta euskeratuta, bilatzaileetako posizionamendua edo Google bezalako bilaketa motorren optimizazioa izango litzateke. Beraz, bilatzaileen emaitza organikoetan webgune baten ikusgarritasuna hobetzeko prozesua da.
Baina zergatik da hain garrantzitsua SEO? SEO beharrezkoa da bilaketa motorrei orrialde bakoitzak zer lantzen duen eta erabiltzaileentzat erabilgarria den edo ez ulertzen laguntzeko. SEO da modurik onena erabiltzaileek aurki zatzaiten internet bidezko bilaketetan non, bertan, zuren web orria garrantzitsu bezala azaltzen den.
Gaur egun, zerbait erostea pentsatzen dugunean eta non eros dezakegun ondo ez dakigunean, sakelakoa ateratzen dugu eta minutu batean Googlek jakin nahi dugun guztia erakusten digu. Baina arazoa da, guk bezala, negozio asko daudela online saldu eta bilaketen lehen postuetan agertu nahi dutenak, horregatik esaten da gorpu bat ezkutatzeko lekurik onena Googleren bigarren orrialdea dela : -)
Horregatik, garrantzitsua da SEOn pentsatzea produktuaren fitxak deskribatzeko zereginari aurre egin behar diogunean. Kontuan izan ematen dizkizugun gomendio hauek, eta bezeroek errazago aurkituko dituzte zure produktuak.
#1. Ikertu interesatzen zaizkizun gako hitzak (Keywords)
Gako-hitzak kontsumitzaileek bilaketetan erabiltzen dituzten terminoak dira. Horregatik, garrantzitsua da hitz giltzarriak ikertzea; izan ere, jendeak zuk eskaintzen duzun produktua nola bilatzen ari den jakitea erabakigarria da bilatzaileetan hobeto kokatzeko.
Askotan, saltokiak bere produktuei buruz duen ezagutza handiaren ondorioz, zehaztapen oso teknikoen hitz eta deskribapenetan oinarritzen gara, bezeroak modu lagunkoiagoan eta produktutik lortuko dituen onuretan zentratuta bilatzen duenean.
Horregatik, lehenik eta behin zure bezeroaren lekuan jarri behar duzu, eta pentsatu nola bilatuko lituzketen zure produktuak, hortik abiatuta zure kasuan garrantzitsuak izango liratekeen hitz gakoen zerrenda sortzeko.
Jarri arreta "isats luzeko" gako hitzetan, bilaketak askoz gehiago zentratzeko.
Ikus dezagun adibide bat keyword hauetan: "Zapatilak emakumeak" eta "zapatilak running triatloia emakumeentzat". Lehen keyword-a, orokorragoa, askoz bilaketa gehiagorekin bat etor liteke eta webgunera bisita gehiago erakar litzake, baina bere konpetentzia oso altua da, eta Googleren bigarren orrialdean galduta geratzeko arriskua dugu, keyword horren alde "borrokan" ari diren orri eta marka oso garrantzitsuak daudelako. Bien bitartean, bigarrenak, askoz zehatzagoa, aukera gehiago ditu bilatzen ari zaren bezero motara espezifikoki iristeko; kasu honetan, zapatila horiek erosi nahi dituzten emakumeen talde txikiago bat, edo, behintzat, oso antzekoak. Oro har, errazagoa da "isats luzeko" gako hitzen bidez hobeto kokatua egotea.
Zure negozioari interesatzen zaizkion gako hitzak ikertzen jarrai dezazun, esteka bat utziko dizugu hemen, ikerketa hau egiteko doako hainbat tresna aurkitu ahal izateko.
https://www.inboundcycle.com/blog-de-inbound-marketing/buscar-palabras-clave-gratis
#2 Deskribapenak landu
Ez dituzu hornitzaileak zure produktu fitxetan ematen dizkizun deskribapenak kopiatu behar. Zergatik? Izan ere, zure lehiakideren bat gauza bera egitera mugatu bada, orain produktu fitxa bera izango duzue, eta hori eduki bikoiztua da, Googleren obsesio handietako bat, eta, beraz, zigorgarria.
Horregatik, saiatu beti onurei buruz hitz egiten, ezaugarriak deskribatzen zentratu beharrean. Esaiozu bezeroari zer lortuko duen produktu hori erosten badu, nola sentiaraziko dion.
Zer sartu beharko zenuke zure produktuen deskribapenean?
- Izenburua: garrantzitsua da izenburua deskribatzailea izatea eta produktua kokatzeko erabili nahi ditugun gako hitzak jasotzea.
- Deskribapen laburra: produktua deskribatzeko, gomendagarria da bi lerroak ez gainditzea, 160 karaktere inguru. Gainera, deskribapenaren hasieran gako hitza sartzea gomendatzen dizugu.
- Produktuaren onurak: hemen beste zerbait luza zaitezke bezeroari behar duen informazio guztia emateko, produktuari erosi botoia eman diezaiogun. Gomendagarria izaten da informazio hori modu eskematikoan aurkeztea, puntuen edo bineten bidez.
Deskribapenetarako gomendatzen den luzera 300 hitz ingurukoa izaten da.
#3. Argazkiak hobetu
Erakutsi zure online dendan kalitate handiko produktuen argazkiak, ahalik eta xehetasun handienarekin. Norberaren irudiak badira, hobe. Esaera zaharrak dioenez, irudi batek mila hitzek baino gehiago balio du.
Gainera, irudi horiek optimizatuta egon behar dute. Pisua ahalik eta gehien murrizten, orrialdearen karga abiadura handitzeko eta erabiltzailearen esperientzia atsegina izan dadin. Gaur egun, kontsumitzaileak ezinegonean gaude, eta dena nahi dugu unean bertan, irudiak kargatu arte itxarotea bezeroek gure online denda uztea erabakitzeko arrazoi bat izan daiteke.
Irudi fitxategiaren izenean gako hitzak erabili. Oraingoz, bilatzaileek ez dute irudia ez dute ikusten, baizik eta zuk emandako informazioa "irakurtzen" dute. Erreparatu "imagen_123.jpg" eta "zapatilak-deporte-mujer.jpg" en arteko aldeari. Askoz hobeto bigarren aukera, irudiak zer duen jakiten laguntzen baitiegu bilaketa motorrei.
Gainera, berrikusi zure ALT etiketa guztiak (irudien testu alternatiboa). Nahiko garrantzitsua da, eta beti bete behar duzu; izan ere, esan dugun bezala, Googleren algoritmoei irudi bakoitzarekin transmititzen ari zarena azaltzeko modua da.
Eta gogoratu, bezeroek nola bilatzen duten eta, beraz, bilatzaileek nola lan egiten duten egunez egun aldatzen dela; horregatik, noizean behin zure produktu fitxak berrikusi eta beharrezkoak diren aldaketak egin.
